被大台力捧極速上位 女神 張曦雯 神秘身世被公開

喺無綫熱播新劇《跳躍生命線》入面,張曦雯(Kelly)一下子攀升做咗女主角,飾演個性「麻甩」的車房妹「文暉」,角色令人眼前一亮。但網上就傳佢嘅身世好神秘。

現年28歲嘅無綫張曦雯(Kelly),2012年獲選國際中華小姐冠軍。佢除咗樣靚氣質好,上年仲喺社交網直播打機,打破咗自己高不可攀嘅形象,被宅男捧為「打機女神」。

有本地媒體就爆料,外表似十足「ABC」嘅Kelly家庭背景僅只「一般般」,也一樣反差大。有消息人士指,Kelly喺小學四年班先移民美國,而張曦雯嘅父母都係草根,移民前居住喺黃大仙下邨公屋。張父任職技工,張母幫人做facial,仲同親友合資經營美容舖,收入一般。

嗰位爆料者仲話,張曦雯本身叫「詠欣」,直至兩歲先搵相士指點,改做「曦雯」,「而家父母憑女貴,都證明當初個相士好靈啦!」

花旦小生個個離巢北上轉攻影壇,電視台青黃不接?過度期嚟啫!經過幾年浸淫同木人巷訓練,擔得大旗男女主角眼見愈嚟愈多,仲有一班後起之秀表演出色攝住上位。新劇《特技人》一出街即時成為熱話,之唔係首次擔正的朱晨麗睇得又打得、識演仲好瞓身,不負眾望仲獲得網民一面倒好評!

形勢大好,又唔代表朱朱就坐定粒六做當家花旦,據知情人士透露,觀眾緣好、樣靚身材正嘅張曦雯今年被高層點名力捧,絕對係朱晨麗上位最大威脅。

張曦雯 高層點名連拍四劇

唔通愛之深責之切,網民鬧得多真係幫到手?無綫近半年電視製作明顯回勇,套套都獲得網民正評亦撩起全城熱話。先有宮鬥劇《深宮計》夠華麗、再嚟小品《BB來了》夠貼地,上周接住出街套《特技人》題材新穎、演員配搭亦夠新鮮。尤其係首次擔大旗朱晨麗瞓曬身演特技人,劇情需要起飛腳、著bikini樣樣做到,仲非常養眼,瞬間成為網民新歡粉絲曝增。

選港姐時已經被喻為「法拉第二」,朱晨麗一卸任已經被力捧狂拍劇,辛苦耕耘六年,去年攞完最佳女配角,今次擔正《特技人》,身手身材一樣好,即被網民勁讚。

其實除咗朱晨麗,電視台還有不少人選重點培訓睇好可以接班做花旦,近日最高曝光最多機會,首推今年28歲、華姐出身的張曦雯。據知情人士透露,入行六年的她突然於半年內劇接據、戲份奇多,全靠背後有高層睇好:「Kelly外形好、氣質又好,不過太高質都有監製覺得離地,頭幾年都係搵佢做明珠台主持、做過兩套劇閒角咁大把。點解最近突然機會咁多呢?係因為Kelly打機開live賺咗一班粉絲,形象都親切埋,最緊要係電視台高層呢兩年特別想喺九十後、選美出身班新人當中搵可造之才。真係有高層非常睇好佢,特登落order叫畀多啲劇佢拍,所以kelly今年明顯少咗做主持工作,連續拍咗四套劇,仲要套套係女二。」雖然睇住朱晨麗嚟打,但朱朱都唔係省油的燈。

12年華姐冠軍出身,無論身材定外形張曦雯絕對無懈可擊,再加上骨子裡的貴氣,本來監製怕佢形象唔夠親切太離地,不過近來就有高層睇好點名力捧。

派福利

今時今日只得電視台力捧都未夠,仲要學似Kelly一樣識得利用社交網絡力量吸睛,堪稱完美的五官同body,Kelly最抵讚嗰下絕對係周不時著泳衣派福利,keep住網上人氣高企。

識收兵

靚就靚喇,不過一直被網民認為靚得太離地、太有距離感喎!去年開始,張曦雯開始上網直播打機,既公開自己貼地宅女一面、亦都吸引唔少機民,即時粉絲暴漲!

大牌冧

家底不俗、受過高等教育、氣質非凡仲有中英文流利,所以張曦雯亦受大型品牌喜愛,為國際大品牌拍過廣告、亦受邀做名車發布會司儀。

年開四劇

內容未完結,請點擊“第2頁”繼續瀏覽。