男友特地訂制「般若波羅蜜蛋糕」賀女友生日 網民:就爆笑問「係咪好想超渡自己女友?」

男友特地訂制「般若波羅蜜蛋糕」賀女友生日 網民:就爆笑問「係咪好想超渡自己女友?」

厭倦了傳統的生日蛋糕?也厭倦了以可愛的卡通人物為主角的蛋糕?日本就有一間蛋糕店分享了一款「特別的生日蛋糕」。蛋糕店店長的朋友想為自己女友慶祝生日,又不想平平無奇,於是委託他製作了一款前所未有的「般若波羅蜜多心經」生日蛋糕,網民就爆笑問「係咪好想超渡自己女友?」

呢一款咁有心嘅特製蛋糕市面上絕無僅有,就算有大家都唔一定敢買嚟送比人!據講呢個蛋糕仲用咗兩個鐘頭去製作,上面嘅經文仲係由蛋糕師傅一筆一劃咁慢慢寫上去(如果寫錯字咁咪大件事?),非常有心機。

男友訂製「般若波羅蜜多心經」生日蛋糕

大家見到呢個咁有創意嘅蛋糕之後,除咗好奇女友收到蛋糕後嘅反應,更多嘅係關心男友嘅生命安全,畢竟送「經文蛋糕」超渡女友呢件事非常高風險。

密密麻麻的經文

蛋糕內層非常吸引

「般若波羅蜜多心經」生日蛋糕嘅相一公開,即刻就喺網路上瘋傳,吸引大批網民留言。網民仲留低咗不少有趣留言,「呢個蛋糕食完應該會有被超渡嘅感覺」、「他一直在玩命.jpg」、「到底係超渡女友,定係送完之後比女友超渡呢?等我地繼續睇落去!」、「蛋糕上面應該插蠟燭定係插三支香…?」、「呢位男友施主你仲在唔在生?」、「蛋糕師傅會唔會整整吓雙手合十跪地禱告呢?」。

網民笑稱會唔會一邊食一邊有被超渡嘅感覺

各位網民都好期待事主嘅Update,不過至截稿為止都未有更新。唔知如果係大家收到呢個「般若波羅蜜多心經」蛋糕,你地有咩諗法,又會唔會想訂返個祝朋友生日快樂呢?

感覺呢個蛋糕非常神聖